SERAT SASTRA GENDHING
Suntingan Teks Serat Sastra Gendhing koleksi Perpustakaan Museum Negeri Sonobudoyo, disunting menggunakan fon Nyk Ngayogyan New.ttf., pelatinan menggunakan JGST (The Javanese General System of Transliteration) dan PUJL (Pedoman Umum Jawa Latin).
ꦱꦼꦫꦠ꧀ꦱꦱ꧀ꦠꦿꦒꦼꦤ꧀ꦝꦶꦁ
꧄ꦧ꧀ꦕ꧄ꦭꦸꦩꦫꦥ꧀ꦥꦶꦁꦥꦸꦱ꧀ꦥꦮꦂꦱ꧈ꦱꦸꦩꦮꦸꦂꦲꦩꦫꦠꦤ꧀ꦤꦶ꧈ꦏꦧꦧꦂꦲꦫꦸꦩ꧀ꦏꦁꦒꦺꦴꦤ꧀ꦢ꧈ꦏꦧꦺꦁꦏꦱ꧀ꦱꦶꦁꦮꦂꦱꦱꦫꦶ꧈ꦱꦏꦺꦃꦲꦶꦁꦱ꧀ꦭꦒꦏꦺꦔꦶꦱ꧀ꦏꦺꦏ꧀ꦱꦶꦤꦮꦸꦁꦱꦂꦏꦫꦪꦸ꧈ꦪꦺꦏꦸꦠꦱꦤꦺꦥꦤ꧀ꦚ꧈ꦮꦶꦩ꧀ꦧꦤꦶꦁꦱꦱ꧀ꦩꦶꦠꦩꦸꦂꦠꦶ꧈ꦏꦁꦫꦶꦤ꧀ꦤꦼꦁꦒꦺꦁꦒꦶꦠꦲꦩꦩꦭꦢ꧀ꦢꦿꦶꦪ꧄
|| 0 || lumarappiŋ puspa waṙsa | sumawuṙ hamaratanni | kababaṙ harum kaŋ gonda | kabèŋkasṣiŋ waṙsa sari | sakèḥhiŋ slaga kéṅis\ kêkṣi nawuŋ saṙkarâyu | yêku ta sanépannya | wimḅaniŋ sasmita muṙti | kaŋ rinněŋgêŋ gita hamamalad dŕiya ||
Lumaraping puspa warsa, sumawur amaratani, kababar arum kang gonda, kabèngkasing warsa sari, sakèhing slaga kéngis, kèksi nawung sarkara yu, yèku ta sanépanya, wimbaning sasmita murti, kang rinenggèng gita amalad driya.
꧄ꦭꦶꦂꦩꦔꦶꦩꦸꦂꦩꦤꦸꦲꦫ꧈ꦩꦩꦱꦸꦃꦩꦭꦤ꧀ꦤꦶꦁꦧꦸꦢꦶ꧈ꦏꦁꦩꦸꦥꦏꦠ꧀ꦱꦶꦤꦏ꧀ꦱꦺꦤ꧀ꦤꦤ꧀ꦢꦺꦤ꧀ꦤꦶꦁꦥꦫꦯꦂꦗꦤꦢꦶ꧈ꦏꦁꦠꦸꦲꦸꦲꦤꦼꦠꦼꦥ꧀ꦥꦶ꧈ꦲꦶꦁꦫꦺꦃꦥꦿꦭꦩ꧀ꦧꦔꦶꦁꦔꦪꦸꦤ꧀ꦪꦺꦏꦸꦮꦶꦫꦪꦠ꧀ꦠꦶꦫ꧈ꦗꦼꦁꦯꦸꦭ꧀ꦡꦤ꧀ꦲꦓꦸꦁꦩꦡꦮꦶꦱ꧀ꦏꦁꦩꦶꦤ꧀ꦤꦺꦴꦁꦏꦥꦲꦸꦒꦼꦂꦫꦤ꧀ꦤꦶꦁꦩꦸꦏ꧀ꦠꦏꦠ꧀꧄ꦱꦤ꧀ꦏ
|| liṙ maṅimuṙ manuhara | mamasuḥ malanniŋ budi | kaŋ mupakat sinakṣènnan | déniŋ para śaṙjana di | kaŋ tuhu hanětěppi | hiŋ rèḥ pṙalambaṅiŋ ṅayun\ yêku wirayattira | jěŋ śulthan hag̣uŋ mathawis\ kaŋ minnoŋka pahugěrranniŋ muktakat ||
Lir mangimur manuhara, mamasuh malaning budi, kang mupakat sinaksènan, déning para sarjana di, kang tuhu anetepi, ing rèh pralambanging ayun, yèku wirayatira, Jeng Sultan Agung Matawis, kang minongka paugeraning muktakat.
Tidak ada komentar: